பிஎட் படிப்புகளில் இன்று முதல் விண்ணப்பிக்கலாம்

 தமிழகத்தில் கொரோனா பெருந்தொற்று காரணமாக நடப்பு கல்வியாண்டு காலதாமதமாக தொடங்கியது. படிப்படியாக குறைந்து வைரஸ் பரவலை கருத்தில் கொண்டு கடந்த செப்டம்பர் ஒன்றாம் தேதி முதல் பள்ளிகள், கல்லூரிகள் திறக்கப்பட்டுள்ளன. இந்த சூழலில் தமிழ்நாடு கல்வியியல் பல்கலைக்கழகம் மூலம் நடத்தப்படும் பிஎட் பட்டப்படிப்புகளில் சேர இன்று முதல் விண்ணப்பிக்கலாம் என்று

கல்லூரிக் கல்வி இயக்ககம்
தெரிவித்துள்ளது.
ஆசிரியர்
ஆக வேண்டும் என்ற கனவுடன் இருப்பவர்கள் பிஎட் படிக்க வேண்டியது அவசியமாகிறது.

தனியார் பள்ளிகளில் ஆசிரியராக பணியில் சேரும் போதும்,
அரசு ஆசிரியர்
பணிக்கு விண்ணப்பிக்கும் போது
பிஎட் படிப்பு
கட்டாயம் தேவைப்படுகிறது. இதுதொடர்பாக வெளியிடப்பட்ட செய்திக் குறிப்பில், தமிழகத்தில் 7 அரசு கல்வியியல் மற்றும் 14 அரசு உதவி பெறும் கல்வியியல் கல்லூரிகளில் இளநிலை கல்வியியல் (பி.எட்) பட்டப்படிப்பு நடத்தப்பட்டு வருகிறது. இந்த இடங்களில் நடப்பு கல்வியாண்டிற்கான மாணவர்கள் சேர்க்கப்பட உள்ளனர். தகுதியுள்ள நபர்கள் www.tngasaedu.in, www.tngasaedu.org

ஆகிய கல்லூரி கல்வி இயக்கக இணையதளங்கள் மூலம் இன்று முதல் வரும் 22ஆம் தேதி வரை விண்ணப்பிக்கலாம். இணையதளம் மூலம் பதிவு செய்யும் போது ஏதாவது சிரமங்கள் ஏற்பட்டால் 044-28271911 என்ற எண்ணிக்கை தொடர்பு கொண்டு கூடுதல் விவரங்கள் மற்றும் வழிகாட்டுதல்களை பெற்றுக் கொள்ளலாம். அதுமட்டுமின்றி care@tngasaedu.org என்ற இ-மெயில் முகவரிக்கு தொடர்பு கொண்டு சந்தேகங்களை நிவர்த்தி செய்யலாம். ஒருவேளை இணையதளம் மூலம் விண்ணப்பிக்கவில்லை எனில்,

மாணவ-மாணவியர் தங்கள் பகுதிக்கு அருகில் உள்ள
கல்வியியல் கல்லூரி
உதவி மையங்கள் மூலம் விண்ணப்பிக்கலாம். இதற்கான விண்ணப்பக் கட்டணம் 500 ரூபாய் ஆகும். எஸ்.சி, எஸ்.டி மாணவர்கள் 250 ரூபாய் செலுத்த வேண்டும். இந்த கட்டணத்தை டெபிட் கார்டு, கிரெடிட் கார்டு, நெட் பேங்கிங் மூலம் இணையதளம் வழியாக செலுத்தலாம். அப்படி செலுத்த முடியாத நபர்கள் கல்லூரி சேர்க்கை உதவி மையங்களில்

”இயக்குநர், கல்லூரிக் கல்வி இயக்ககம், சென்னை – 6 என்ற பெயரில்” வரும் 13ஆம் தேதிக்கு பின்னர் பெற்ற வங்கி வரைவோலை அல்லது நேரடியாகவும் செலுத்தலாம். மாணவர்கள் விண்ணப்பிக்கும் போது தங்கள் விருப்பத்திற்கு ஏற்ப தேர்வு செய்யும் கல்லூரிகளை வரிசைபடுத்திக் கொள்ளலாம். பி.எட் சேர்க்கை தொடர்பான மேலும் தகவல்களுக்கு மேற்குறிப்பிட்ட இணையதளங்களை அணுகலாம் என்று தெரிவிக்கப்பட்டுள்ளது.