இந்திய ராணுவ கல்லூரியில் சேர விண்ணப்பிக்கலாம்

சென்னை,

டேராடூனில் உள்ள ராஷ்டிரிய இந்திய ராணுவ கல்லூரியில் ஜூலை-2021 பருவத்தில் சேருவதற்கு விண்ணப்பிக்கலாம். விண்ணப்பப்படிவம், தகவல் தொகுப்பேடு மற்றும் முந்தைய தேர்வுக்கான வினாத்தாள் தொகுப்பு ‘கமாண்டன்ட் ராஷ்டிரிய இந்திய ராணுவ கல்லூரி, டேராடூன், உத்தரகாண்ட்-248003’ என்ற முகவரிக்கு விரைவு அஞ்சல் வழியாக எழுத்து மூலம் விண்ணப்பித்து, அதற்கான காசோலையை அனுப்பி பெற்றுக்கொள்ளலாம். மேலும் www.rimc.gov.in என்ற இணையதளம் மூலமும் அதற்கான பணத்தை செலுத்தி பெறலாம்.< பூர்த்திசெய்யப்பட்ட விண்ணப்பப்படிவங்கள் தேர்வுக்கட்டுப்பாட்டு அலுவலர், தமிழ்நாடு அரசு பணியாளர் தேர்வாணையம், தமிழ்நாடு அரசுப்பணியாளர் தேர்வாணையச் சாலை, பூங்காநகர், சென்னை – 600003 என்ற முகவரிக்கு அடுத்த மாதம் (செப்டம்பர்) 30-ந் தேதிக்குள் அனுப்பவேண்டும்.

இதற்கான எழுத்து தேர்வு வருகிற டிசம்பர் 1, 2-ந் தேதிகளில் நாடு முழுவதும் நடைபெற உள்ளது. தமிழ்நாட்டில் சென்னையில் இந்த தேர்வு நடைபெறும். மேலும் விவரங்களுக்கு www.rimc.gov.in என்ற ராஷ்டிரிய இந்திய ராணுவ கல்லூரியின் இணையதளத்தில் பார்த்து தெரிந்துகொள்ளலாம்.

மேற்கண்ட தகவல் தமிழ்நாடு அரசு பணியாளர் தேர்வாணையம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.