குறைந்த காற்றழுத்த தாழ்வுப்பகுதி; 4 மாவட்டங்களுக்கு ரெட் அலர்ட் எச்சரிக்கை

 தமிழகத்தில் அடுத்த 24 மணி நேரத்தில் 4 மாவட்டங்களில் மிக கன மழை பெய்யும் என வானிலை ஆய்வு மையம் எச்சரித்துள்ளது. நெல்லை, குமரி, தூத்துக்குடி, ராமநாதபுரம் ஆகிய 4 மாவட்டங்களுக்கு ரெட் அலர்ட் விடுக்கப்பட்டுள்ளது. தென்காசி, விருதுநகர், சிவகங்கை, மதுரை, புதுக்கோட்டை, மயிலாடுதுறை, தஞ்சை, நாகை மற்றும் திருவாரூர் ஆகிய இடங்களில் இன்று கன மழைக்கு வாய்ப்பு உள்ளதாக வானிலை மையம் தெரிவித்துள்ளது. தென்மேற்கு வங்கக் கடல் மற்றும் அதையொட்டிய இலங்கை கடலோர பகுதியில் ஏற்பட்ட குறைந்த காற்றழுத்த தாழ்வுப்பகுதி தான் இதற்க்கு காரணம் எனவும் மேலும் இது அடுத்த 3 நாட்களுக்குள் தமிழகத்தை நோக்கி நகரும் எனவும் வானிலை ஆய்வு மையம் தெரிவித்துள்ளது.