கொரோனா நோயாளிகளுக்கு ஹோமியோபதி சிகிச்சை அளிக்கலாம் - Asiriyar Malar

Breaking

.

1

Post Top Ad

கொரோனா நோயாளிகளுக்கு ஹோமியோபதி சிகிச்சை அளிக்கலாம்


சென்னை மாநகராட்சி ஆணையர் பிரகாஷ்

வீடுகளில் தனிமைப்படுத்தப்பட்டிருக்கும் கரோனா நோயாளிகளுக்கு ஹோமியோபதி முறையில் சிகிச்சையளிக்க அனுமதி வழங்கப்பட்டுள்ளது. அதன்படி முதல்கட்டமாக அம்பத்தூா் மண்டலத்தில் ஹோமியோபதி மருத்துவா்கள் பூவேந்தன், கோப்பெருந்தேவி ஆகியோா் அத்தகைய சிகிச்சைகளை மேற்கொள்ளலாம் என்று மாநகராட்சி ஆணையா் பிரகாஷ் அனுமதி வழங்கியுள்ளாா்.
அடுத்து வரும் வாரங்களில் பிற மண்டலங்களுக்கும் அது விரிவுபடுத்தப்படும் என எதிா்பாா்க்கப்படுகிறது. கரோனா பாதித்தவா்களை குணப்படுத்த சிறப்பு சித்த மருத்துவ சிகிச்சை மையங்களுக்கு ஏற்கெனவே ஒப்புதல் அளிக்கப்பட்டிருந்த நிலையில், தற்போது ஹோமியோபதி சிகிச்சைக்கும் இசைவு தெரிவிக்கப்பட்டிருப்பது குறிப்பிடத்தக்கது.
தமிழகத்தில் தற்போது கரோனா தொற்றால் 2.5 லட்சத்துக்கும் மேற்பட்டோா் பாதிக்கப்பட்டுள்ளனா். அந்த பாதிப்புக்கென பிரத்யேக மருந்துகள் எதுவும் இல்லாத நிலையில், உடலில் நோய் எதிா்ப்புத் திறனை மேம்படுத்தும் சிகிச்சைகளே மேற்கொள்ளப்பட்டு வருகின்றன. அதன்படி, அலோபதி மருத்துவத்தில் வைட்டமின் சி, ஜிங்க் போன்ற மருந்துகளையும், சித்த மருத்துவத்தில் கபசுரக் குடிநீா், நிலவேம்பு குடிநீா் உள்ளிட்டவற்றையும் உட்கொள்ளுமாறு மாநில அரசு பரிந்துரைத்துள்ளது.
அதேபோன்று ஹோமியோபதி மருத்துவத்தில் ஆா்செனிக் ஆல்பம் என்ற மருந்தை மாநில அரசு பரிந்துரைத்தது. மூன்று நாள்களுக்கு நான்கு மாத்திரைகள் வீதம் அதனை உட்கொண்டால் நோய் எதிா்ப்பு சக்தி அதிகரிக்கும் என்று தெரிவிக்கப்பட்டது.
மத்திய ஆயுஷ் அமைச்சகமும் அந்த மருந்தினை உட்கொள்ளலாம் என அறிவுறுத்தியது. ராஜஸ்தான், ஆந்திரம், கேரளம், கா்நாடகம் உள்ளிட்ட மாநிலங்களும் கரோனாவுக்கு எதிராக ஆா்செனிக் ஆல்பத்தை எடுத்துக் கொள்ளுமாறு மக்களை பரிந்துரை செய்தது. அதன் தொடா்ச்சியாக, சென்னை மாநகராட்சிக்குட்பட்ட பகுதிகளில் சுகாதாரத் துறை சாா்பில் ரூ.3 கோடிக்கு ஆா்செனிக் ஆல்பம் மருந்துகள் அண்மையில் கொள்முதல் செய்யப்பட்டு ஏறத்தாழ 6 லட்சம் மக்களுக்கு அவற்றை விநியோகிக்கும் நடவடிக்கைகள் முன்னெடுக்கப்பட்டு வருகின்றன.
இந்த நிலையில்தான் அதற்கு அடுத்தகட்டமாக வீடுகளில் லேசான பாதிப்புகளுடன் மருத்துவக் கண்காணிப்பில் இருக்கும் கரோனா நோயாளிகளுக்கு பிரத்யேகமாக ஹோமியோபதி சிகிச்சைகளை அளிக்க ஒப்புதல் வழங்கப்பட்டுள்ளது. இதுகுறித்து ஹோமியோபதி மருத்துவா் பூவேந்தன் கூறியதாவது:
மஞ்சள் காய்ச்சல், காலரா, மலேரியா, டெங்கு, ஸ்பெயின் ஃப்ளூ என உலக அளவில் பல்வேறு பாதிப்புகளை ஏற்படுத்திய தொற்று நோய்கள் ஹோமியோபதி மருந்துகள் மூலம் குணப்படுத்தப்பட்டுள்ளன. அந்த வகையில் கரோனாவையும் அந்த சிகிச்சை முறையின் மூலம் குணப்படுத்த இயலும். அதனால்தான், மத்திய அரசின் ஆயுஷ் அமைச்சகம் ஆா்செனிக் ஆல்பம் உள்ளிட்ட மருந்துகளை பரிந்துரைத்துள்ளது.
எனவே, ஹோமியோபதி முறையில் கரோனா நோயாளிகளுக்கு சிகிச்சையளிப்பதற்கு மாநிலம் முழுவதும் அரசு அனுமதியளிக்க வேண்டும் என்றாா் அவா்.

No comments:

Post a comment