10 ஆம் வகுப்பு பொதுத்தேர்வு : அந்தந்த பள்ளியில் எழுத அனுமதி கொடுங்கள் - Asiriyar Malar

Breaking

.

1

Post Top Ad

Wednesday, 22 April 2020

10 ஆம் வகுப்பு பொதுத்தேர்வு : அந்தந்த பள்ளியில் எழுத அனுமதி கொடுங்கள்


கொரோனாவால் நிறுத்தப்பட்டவற்றின் பட்டியலில் முதலில் நிற்கும் தற்போதைய பிரச்சினை என்றால், பத்தாம் வகுப்புப் பொதுத்தேர்வு. ரத்து செய்யப்படவில்லை என்றாலும் ஒத்திவைக்கப்பட்டுள்ளது. ஆனால் தேதி ஏதும் அறிவிக்கப்படவில்லை. இந்நிலையில், அந்தந்த பளிகளையே தேர்வு மையங்களாகப் பயன்படுத்த அனுமதி அளிக்க வேண்டும்
என்று தமிழ்நாடு பள்ளிக்கல்வித்துறைக்கு தமிழ்நாடு அரசு ஆசிரியகள் சங்க கூட்டமைப்பு சார்பில் கடிதம் அனுப்பபட்டுள்ளது.
அந்தக் கடிதத்தில், “கொரோனா வைரஸ் மனிதகுலத்தையே அச்சுறுத்தி வரும் நிலையில் மார்ச் 24 தேதி முதல் மத்திய மாநில அரசுகள் ஊரடங்கை அறிவித்து மே 3ம் தேதி வரை நீட்டித்து நடைமுறையில் உள்ளநிலையில்
தமிழக பள்ளிக்கல்வித்துறை பத்தாம் வகுப்பு பொதுத்தேர்வை ஒத்திவைத்துள்ளது.
பெற்றோர்கள் கல்வியாளர்கள் மற்றும் பல அமைப்புகள் இதனை ரத்து செய்ய கேட்டுக் கொண்டனர் , தமிழக அரசு பத்தாம் வகுப்பு
பொதுத் தேர்வு
என்பது மாணவர்களை அடுத்த கட்டத்திற்கு எடுத்த செல்லும் முக்கியத் தேர்வு என்பதால் ரத்து செய்ய முடியாது என்று அறிவித்து தேர்வை ஒத்திவைத்துள்ளது ,
இதற்கிடையில் மாண்புமிகு தமிழக பள்ளிக்கல்வித்துறை அமைச்சர் அவர்கள் செய்தியாளர்கள் சந்திப்பில் பத்தாம் வகுப்பு
பொதுத்தேர்வு தேதி ஊரடங்கு முடிந்தவுடன் வெளியிடப்படும்.
தேர்வு ஒருநாள் விட்டு ஒருநாள் நடைபெறும்
என்றும் தெரிவித்து இருக்கின்றார்.
பத்தாம் வகுப்பு பொதுத்தேர்வு மையங்களை விரிவு படுத்த வேண்டும் அதாவது சமுக விலகலை கடைப்பிக்க வேண்டிய இக்கட்டான கட்டாயத்தில் இருக்கின்றோம்
. ஆதலால் மாணவர்கள் , ஆசிரியர்கள் அலுவலக பணியார்களின் பாதுகாப்பை உறுதிப்படுத்தும் விதமாக மாணவர்கள் பயிலுகின்ற பள்ளிகளிலேயே தேர்வை நடத்தவேண்டும்.
பல மையங்களில் ஐந்து ஆறு பள்ளி மாணவர்கள் ஒரே மையத்தில் எழுதுவார்கள்.
இதனால் சமுக விலகலை கடைப்பிடிக்காமல் போக வாய்ப்புள்ளது. போக்குவரத்துச் சிரமமும் உள்ளது.
ஆதலால் தேர்வு மையங்களை விரிவுப்படுத்தி மாணவர்கள் நலன் கருதி அவர்கள் பயிலுகின்ற பள்ளிகளிலேயே தேர்வுகளை எழுத அனுமதித்து
உத்தரவிட மாண்புமிகு தமிழக முதல்வர் அவர்களை தமிழ்நாடு அரசு ஊழியர்கள் ஆசிரியர்கள் நல கூட்டமைப்பு சார்பில் கேட்டுக் கொள்கிறேன்.” என்று தெரிவிக்கப்பட்டுள்ளது.