பள்ளி காலை வழிபாட்டு செயல்பாடுகள் 11.11.2026

 

📖 திருக்குறள்

பால்: பொருட்பால்

இயல்: அரசியல்

அதிகாரம்: 53. சுற்றந் தழால்

குறள் எண்: 527

🪷 குறள்:

காக்கை கரவா கரைந்துண்ணும் ஆக்கமும்

அன்னநீ ரார்க்கே உள.

📌 பொருள்:

காக்கை உணவைக் கண்டதும் மறைக்காமல் தன் இனத்தைக் கூவி, உடனிருந்தே உண்ணும். அத்தகைய இயல்பினருக்கே சுற்றப் பெருக்கமும் உண்டாகும்.

━━━━━━━━━━━━━━━━━━━━━━━━━━

📜 பழமொழி:

Truth alone triumphs.

👉 வாய்மையே வெல்லும்.

━━━━━━━━━━━━━━━━━━━━━━━━━━

🌱 இரண்டொழுக்கப் பண்புகள்

1️⃣ கொடுத்த நேரத்திற்குள் என் பணிகளைச் செய்து முடித்து, வாழ்க்கையில் நேரத்தை எப்போதும் மதித்து நடப்பேன்.

2️⃣ வகுப்பறையிலும் பள்ளியிலும் அமைதியைக் காத்து, ஆசிரியர்களின் கற்பித்தலுக்கு முழு ஒத்துழைப்பு அளிப்பேன்.

━━━━━━━━━━━━━━━━━━━━━━━━━━

💬 பொன்மொழி

"அறிவியல் மனிதனின் அறிவை வளர்க்கிறது; அதன் சரியான பயன்பாடு உலகின் அமைதியையும் முன்னேற்றத்தையும் உறுதி செய்கிறது!"

━━━━━━━━━━━━━━━━━━━━━━━━━━

💭 Thought for the Day

Science expands human knowledge; its meaningful application builds a peaceful and progressive world.

━━━━━━━━━━━━━━━━━━━━━━━━━━

🧠 பொது அறிவு

1. ஆந்திரப் பிரதேச மாநிலம் உருவான ஆண்டு எது?

👉 1953.

2. மெட்ராஸ் மாநிலம் தமிழ்நாடு எனப் பெயர் மாற்றம் செய்யப்பட்டபோது, தமிழ்நாட்டின் முதலமைச்சராக இருந்தவர் யார்?

👉 சி. என். அண்ணாதுரை.

━━━━━━━━━━━━━━━━━━━━━━━━━━

📚 English Words

1️⃣ Candid – வெளிப்படையான – Frank

2️⃣ Scrutinize – ஆய்வு செய் – Examine

━━━━━━━━━━━━━━━━━━━━━━━━━━

🌳 புவியியலும் சுற்றுச்சூழலும்

🐅 களக்காடு முண்டந்துறை புலிகள் காப்பகம்

📍 அமைவிடம்:

திருநெல்வேலி மாவட்டம்.

⭐ சிறப்பு:

சுமார் 895 சதுர கி.மீ. பரப்பளவைக் கொண்ட இந்தக் காப்பகம், தமிழகத்தின் இரண்டாவது பெரிய பாதுகாக்கப்பட்ட வனப்பகுதியாகும். பல்லுயிர்கள் நிறைந்த அடர்ந்த பசுமை மாறாக் காடுகளைக் கொண்டது.

🐅 விலங்கினங்கள்:

புலிகள், சிறுத்தைகள், சாம்பார் மான்கள், புள்ளிமான்கள்.

━━━━━━━━━━━━━━━━━━━━━━━━━━

📝 NMMS – MAT

❓ 9, 30, 51, 72, ______ என்ற எண் தொடரில் அடுத்த எண் என்ன?

1️⃣ 103

2️⃣ 93

3️⃣ 94

4️⃣ 81

✅ விடை: (2) 93

💡 விளக்கம்:

ஒவ்வொரு எண்ணுடனும் 21 கூட்டப்படுகிறது.

9 + 21 = 30

30 + 21 = 51

51 + 21 = 72

72 + 21 = 93 ✅

━━━━━━━━━━━━━━━━━━━━━━━━━━

📅 நவம்பர் 11 – தேசிய கல்வி நாள் 🎓

🇮🇳 தேசிய கல்வி நாள் இந்தியாவில் ஒவ்வொரு ஆண்டும் நவம்பர் 11ஆம் நாள் கொண்டாடப்படுகிறது.

சுதந்திர இந்தியாவின் முதல் கல்வி அமைச்சராக விளங்கிய மௌலானா அபுல் கலாம் ஆசாத் அவர்களின் பிறந்தநாளை நினைவுகூரும் விதமாக இத்தினம் கொண்டாடப்படுகிறது.

👤 மௌலானா அபுல் கலாம் ஆசாத்

மௌலானா அபுல் கலாம் முகியுத்தின் அகமது (11 நவம்பர் 1888 – 22 பிப்ரவரி 1958) இந்திய விடுதலை இயக்கத்தின் மூத்த அரசியல் தலைவரும், இந்திய முஸ்லிம் அறிஞரும் ஆவார்.

சமய அடிப்படையிலான இந்தியப் பிரிவினையை எதிர்த்து, இந்து–முஸ்லிம் ஒற்றுமையை வலியுறுத்திய முஸ்லிம் தலைவர்களில் முதன்மையானவர்.

இந்தியா விடுதலையடைந்த பிறகு அமைந்த முதல் இந்திய அரசில் கல்வி அமைச்சராகப் பணியாற்றியவர். பரவலாக இவர் மௌலானா ஆசாத் என அறியப்படுகிறார். “ஆசாத்” என்பது “விடுதலை” என்று பொருள்படும்; அது இவர் வைத்துக்கொண்ட புனைப்பெயராகும்.

━━━━━━━━━━━━━━━━━━━━━━━━━━

📖 நீதிக்கதை

🌱 பேராசை பெருநஷ்டம்

ஒரு சிறிய கிராமத்தில் ராமன் என்ற செல்வந்த வணிகர் வாழ்ந்து வந்தார். அவரிடம் ஏராளமான செல்வமும், பல கடைகளும் இருந்தன. ஆனால், அவர் ஒருபோதும் இருப்பதைக் கொண்டு திருப்தி அடையவில்லை. மேலும் மேலும் பணம் சம்பாதிக்க வேண்டும் என்ற ஆசை அவருக்கு அதிகமாக இருந்தது.

ஒருநாள், ஒரு வயதான மனிதர் ராமனிடம் ஒரு மந்திரத் தங்கப் பானையைக் கொடுத்தார். அவர், “இந்தப் பானை ஒவ்வொரு நாளும் காலையில் ஒரு தங்க நாணயத்தைக் கொடுக்கும்” என்று கூறினார்.

ராமன் மிகவும் மகிழ்ச்சியடைந்தார். தினமும் காலையில் அந்தப் பானையிலிருந்து ஒரு தங்க நாணயத்தை எடுத்துச் சேமித்து வந்தார்.

சில மாதங்களில் அவர் மேலும் செல்வந்தரானார். ஆனால், அவரது பேராசை குறையவில்லை.

“தினமும் ஒரே ஒரு நாணயத்திற்காக ஏன் காத்திருக்க வேண்டும்? இந்தப் பானைக்குள் ஏராளமான தங்க நாணயங்கள் இருக்குமே! அவற்றை ஒரே நேரத்தில் எடுத்துவிட்டால் இன்னும் பணக்காரனாகிவிடலாம்!” என்று நினைத்தார்.

உடனே பேராசையால் அந்தப் பானையை உடைத்துப் பார்த்தார். ஆனால், உள்ளே ஒரு தங்க நாணயம்கூட இல்லை.

தினமும் தங்க நாணயம் கொடுத்த பானையைத் தானே உடைத்துவிட்டதை நினைத்து வருந்தினார். அப்போதுதான் அவருக்குத் தனது தவறு புரிந்தது.

அளவுக்கு மீறிய ஆசையால் தன்னிடம் இருந்த நல்ல வாய்ப்பையும் இழந்துவிட்டோம் என்பதை உணர்ந்தார்.

அன்று முதல் பேராசையை விட்டுவிட்டு, இருப்பதைக் கொண்டு மகிழ்ச்சியாக வாழவும், ஏழைகளுக்கு உதவி செய்யவும் தொடங்கினார்.

🌟 நீதி:

பேராசை பெருநஷ்டம். அளவுக்கு மீறிய ஆசை நம்மிடம் இருப்பதையும் இழக்கச் செய்யும். 🌱

━━━━━━━━━━━━━━━━━━━━━━━━━━

📰 இன்றைய செய்திகள்

📅 11.11.2026

🗒️ அரசுப் பள்ளிகளில் சி.சி.டி.வி. பொருத்த ஆணை: இது தொடர்பாக பள்ளிக்கல்வித் துறை செயலாளர் பதில் மனு தாக்கல் செய்ய மதுரை உயர்நீதிமன்றக் கிளை உத்தரவிட்டுள்ளது.

🗒️ புனிதப் பயணம்: புத்த, சமண, சீக்கியர்கள் புனிதப் பயணத்துக்கான நிதியுதவி பெற விண்ணப்பிக்கலாம் எனத் தமிழக அரசு தகவல் வெளியிட்டுள்ளது.

🗒️ புதிய வகை கொரோனா பரவல்: உலக சுகாதார அமைப்பு எச்சரிக்கையாக இருக்க வேண்டும் என அறிவுறுத்தியுள்ளது.

━━━━━━━━━━━━━━━━━━━━━━━━━━

🏀 விளையாட்டுச் செய்திகள்

🏃🏻‍♀️ உலக துப்பாக்கிச் சுடுதல் சாம்பியன்ஷிப்: 25 மீட்டர் பிஸ்டல் பிரிவில் இந்தியா தங்கம் வென்றது.

🏃🏻‍♀️ உலக பள்ளிகள் கோல்ஃப் சாம்பியன்ஷிப்: இந்திய வீரர் தேவ்ரத் வெண்கலம் வென்று அசத்தல்.

━━━━━━━━━━━━━━━━━━━━━━━━━━

🇬🇧 Today's Headlines

🗒️ The Madurai Bench of the Madras High Court has ordered the School Education Department Secretary to file a reply regarding the order to install CCTV cameras in government schools.

🗒️ The Tamil Nadu Government has announced that Buddhists, Jains and Sikhs can apply for financial assistance to go on holy pilgrimages.

🗒️ The World Health Organization (WHO) has advised people to remain alert about the spread of a new COVID-19 variant.

🏀 Sports News

🏃🏻‍♀️ India won the gold medal in the 25-metre pistol event at the World Shooting Championship.

🏃🏻‍♀️ Indian golfer Devvrat won the bronze medal at the World Schools Golf Championship.

━━━━━━━━━━━━━━━━━━━━━━━━━━

 Covai Women ICT – போதிமரம்