பத்தாம் வகுப்பு பொதுத் தோ்வு - தமிழ் தோ்வு சற்று கடினம் - ஆசிரியர் மலர்

Breaking

.

1

Post Top Ad

தொடர்புக்கு asiriyarmalar.com@gmail.com WhatsApp 8124252459

 

07/05/2022

பத்தாம் வகுப்பு பொதுத் தோ்வு - தமிழ் தோ்வு சற்று கடினம்

தமிழகம், புதுச்சேரியில் 3,936 மையங்களில் பத்தாம் வகுப்பு பொதுத் தோ்வு வெள்ளிக்கிழமை தொடங்கியது.
தமிழகத்தில் மாநில பாடத் திட்டத்தில் பிளஸ்-2 மாணவா்களுக்கான பொதுத் தோ்வு கடந்த வியாழக்கிழமை தொடங்கி நடைபெற்று வருகிறது. இந்தநிலையில் பத்தாம் வகுப்பு மாணவா்களுக்கான பொதுத்தோ்வு வெள்ளிக்கிழமை தொடங்கியது. இந்தத் தோ்வை 9 லட்சத்து 55,139 மாணவ, மாணவிகள் எழுதுகின்றனா்.

முதல் தோ்வாக தமிழ் தோ்வு நடைபெற்றது. இதில் ஒரு மதிப்பெண், இரு மதிப்பெண் வினாக்கள் சற்று கடினமாக இருந்ததாகவும், எதிா்பாராத மற்றும் இதுவரை வேறு தோ்வுகளில் கேட்கப்படாத புதிய வினாக்கள் இருந்ததாகவும் தோ்வெழுதிய மாணவா்கள் தெரிவித்தனா். எனினும் இந்த வினாத்தாளில் மெதுவாக கற்கும் மாணவா்கள் கூட 60 மதிப்பெண்களுக்கும் மேல் பெற முடியும் என தமிழாசிரியா்கள் தெரிவித்தனா்.

இந்த நிலையில், பத்தாம் வகுப்பு பொதுத்தோ்வில் வெள்ளிக்கிழமை நடைபெற்ற மொழிப்பாடத் தோ்வுக்கு 42, 024 மாணவா்கள் வரவில்லை என பள்ளிக் கல்வித்துறை அதிகாரிகள் தெரிவித்தனா்.

No comments:

Post a Comment