மேலாண்மை படிப்புகளுக்கான ‘சிமேட்’ தேர்வு முடிவுகள் வெளியீடு

 

எம்பிஏ உட்பட மேலாண்மை படிப்பு​களுக்கான `சிமேட்' நுழைவு தேர்வு முடிவுகளை என்டிஏ வெளி​யிட்​டுள்​ளது. நாட்​டில் உள்ள மத்திய உயர்​கல்வி நிறு​வனங்​கள், அகில இந்திய தொழில்​நுட்ப கல்விக் குழு​மத்​தின்​கீழ் (ஏஐசிடிஇ) இயங்​கும் கல்லூரி​களில் மேலாண்மை படிப்பு​களில் சேர `சிமேட்' எனப்​படும் பொது நிர்வாக நுழைவுத் தேர்​வில் கட்டாயம் தேர்ச்சி பெற வேண்​டும்.

தேசிய தேர்​வுகள் முகமை (என்​டிஏ) சார்​பில் இந்த தேர்வு ஆண்டு​தோறும் இணைய​வழி​யில் நடத்​தப்​படு​கிறது. அதன்​படி, நடப்​பாண்​டுக்கான சிமேட் தேர்வு கடந்த ஜன.25-ம் தேதி நாடு முழு​வதும் 178 மையங்​களில் நடைபெற்​றது. பதிவு செய்திருந்த 74,012 பேர் 63,145 (85.3%) பேர் மட்டுமே தேர்​வில் பங்கேற்​றனர்.

இந்த தேர்​வுக்கான இறுதி விடைக்​குறிப்பு சமீபத்தில் வெளி​யானது. அதைத் தொடர்ந்து தேர்வு முடிவுகளை என்டிஏ தற்போது வெளி​யிட்​டுள்​ளது. தேர்வு முடிவுகளை மாணவர்கள் /exams.nta.ac.in/CMAT/ என்ற இணையதளத்​தில் சென்று அறிந்து கொள்​ளலாம். இதில் ஏதேனும் சந்தேகம் இருப்​பின் 011-4075 9000 என்ற தொலைபேசி எண் அல்லது cmat@nta.ac.in என்ற மின்னஞ்சல் வாயிலாக தொடர்பு கொண்டு விளக்கம் பெறலாம்.

கூடுதல் விவரங்களை nta.ac.in எனும் வலைதளத்​தில் அறிய​லாம் என்று என்டிஏ வெளி​யிட்ட அறிவிப்​பில் கூறப்​பட்​டுள்​ளது. சிமேட் தேர்​வில் வெற்றி பெற்​றவர்கள் நாடு முழு​வதும் உள்ள உயர்​கல்வி நிறு​வனங்​களில் மேலாண்மை படிப்பு​களில் சேரலாம் என்பது குறிப்​பிடத்​தக்​கது.