காலாண்டு விடுமுறை... தமிழக மெட்ரிக் பள்ளிகள் திறப்பு தேதி திடீர் மாற்றம்! - ஆசிரியர் மலர்

Breaking

.

1

Post Top Ad

தொடர்புக்கு asiriyarmalar.com@gmail.com WhatsApp 8124252459

 

06/10/2022

காலாண்டு விடுமுறை... தமிழக மெட்ரிக் பள்ளிகள் திறப்பு தேதி திடீர் மாற்றம்!

 தமிழகத்தில் உள்ள அரசு, அரசு உதவி பெறும் மற்றும் தனியார் பள்ளிகளில் கடந்த செப்டம்பர் 30ஆம் தேதியுடன் காலாண்டு தேர்வுகள் முடிவடைந்தன. இதையடுத்து அனைத்து வகுப்புகளுக்கும் விடுமுறை அறிவிக்கப்பட்டது. அதன்படி, 6 முதல் 12ஆம் வகுப்பு வரையிலான மாணவர்களுக்கு அக்டோபர் 9ஆம் தேதி வரை விடுமுறை அறிவிக்கப்பட்டிருந்தது. ஒன்று முதல் 5ஆம் வகுப்பு வரை அக்டோபர் 13ஆம் தேதி வரை விடுமுறை விடப்பட்டிருந்தது. 

 

இந்நிலையில் எல்.கே.ஜி, யு.கே.ஜி முதல் 5ஆம் வகுப்பு வரையிலான மாணவ, மாணவிகளுக்கு வரும் 10ஆம் தேதி திங்கட்கிழமை பள்ளிகள் திறக்கப்படும் என்று சில தனியார் பள்ளிகள் அறிவித்துள்ளன. இந்த திடீர் மாற்றத்திற்கான காரணம் குறித்து எந்தவித தகவலும் தெரிவிக்கப்படவில்லை. இது பெற்றோர்களுக்கு மிகுந்த ஏமாற்றத்தை அளித்துள்ளது. 

 

வெளியூர் சென்றுள்ள மாணவ, மாணவிகள் உடனடியாக சொந்த ஊர் திரும்ப வேண்டிய கட்டாயம் ஏற்பட்டிருக்கிறது. அதுமட்டுமின்றி விடுமுறை நாட்களில் பயனுள்ள வகையில் செலவழிக்க வேண்டும் என்பதற்காக அளிக்கப்பட்ட வீட்டுப் பாடங்களை விரைவாக முடிக்க வேண்டியுள்ளது. மேலும் ப்ராஜக்ட் வேலைகளையும் அவசர கதியில் முடிக்க வேண்டிய நிலை ஏற்பட்டுள்ளது. 

 

இதற்கிடையில் சி.பி.எஸ்.இ பள்ளிகளுக்கு விடுமுறை முடிந்து எப்போது பள்ளிகள் திறக்கப்படும் என்ற கேள்வி எழுந்தது. ஏனெனில் மெட்ரிகுலேஷன் பள்ளிகளுக்கு காலாண்டு விடுமுறை முடிந்து வரும் 10ஆம் தேதி தான் பள்ளிகள் திறக்கப்படும் என்று மெட்ரிகுலேஷன் பள்ளிகள் இயக்குநர் கருப்பசாமி அறிவித்திருந்தார். 

 

சி.பி.எஸ்.இ பள்ளிகளுக்கு இன்று பள்ளிகள் திறக்கப்படுவதாக ஏற்கனவே அறிவிக்கப்பட்டிருந்தது. இதனால் விடுமுறை மேலும் நீட்டிக்கப்படுமா? என்ற கேள்வி எழுந்தது. இந்த சூழலில் மெட்ரிகுலேஷன் பள்ளிகள் இயக்குநர் கருப்பசாமி இன்றைய தினம் முக்கிய விளக்கம் ஒன்றை அளித்துள்ளார். அதில், 9ஆம் தேதி வரை விடுமுறை என்று தமிழக அரசு வெளியிட்டுள்ள அறிவிப்பு மெட்ரிக் பள்ளிகளுக்கு மட்டுமே பொருந்தும். 

 

சி.பி.எஸ்.இ பள்ளிகளுக்கு பொருந்தாது என்று தெளிவுபடுத்தப்பட்டுள்ளது. இதன் காரணமாக சி.பி.எஸ்.இ பள்ளிகள் இன்று (அக்டோபர் 6) முதல் வழக்கம் போல் இயங்கும் என்று தெரியவந்துள்ளது. இதனால் சி.பி.எஸ்.இ பள்ளி மாணவர்களின் எதிர்பார்ப்பு ஏமாற்றத்தில் முடிந்துள்ளது. 


No comments:

Post a Comment